Prepare for MCIT 9-month Program منحة وزارة الاتصالات الـ 9 شهور

من طرف **ANGELBUNSHR** الجمعة 15 يوليو 2011, 4:57 pm

MCIT Scholarship
منحة وزارة الاتصالات الـ 9 شهور

في إطار خطة تطوير صناعة تكنولوجيا المعلومات في مصر وإعداد الكوادر البشرية اللازمة لدعم صناعة الصادرات التكنولوجية ، تعلن الوزارة عن البدء في برنامج التدريب المتخصص في مجال تكنولوجيا المعلومات , وذلك لتدريب حوالي 6000 متدرب على مدار ثلاث سنوات من خريجي الجامعات في مجالات تكنولوجيا المعلومات التخصصية ، وذلك لتنفيذ المرحلة الثالثة لبرنامج التدريب المتخصص اعتبارا من اكتوبر 2010 حتى 2012

[ندعوك للتسجيل في المنتدى أو التعريف بنفسك لمعاينة هذا الرابط]

1- Database Development and Administration.
تطوير وادارة قواعد البيانات
2- Graphics Design & Development.
تصميم وتطوير جرافكيات الحاسب
3- Networking System Engineer & Security.
هندسة نظم وتأمين الشبكات
4- Networking Infrastructure & Security.
بنية شبكات الحاسب
5- Linux/Unix System Administration.
نظم ادارة انظمة يونكس/لينكس
6- Object Oriented Applications Development.
تطوير التطبيقات الموجة نحو الكينونات
7- Web Applications Development.
تطوير تطبيقات الويب
8- Java Mobile Applications Development.
تطوير تطبيقات جافا للنظم المحمولة

MCIT Tracks:
________________________________________
Database Development and Administration
Graphics Design & Development
Networking System Engineer and Security
Networking Infrastructure and Security
Linux/Unix System Administration
Object Oriented Applications Development
Web Applications Development
Java Mobile Applications Development

For more details about each track please follow this link:
[ندعوك للتسجيل في المنتدى أو التعريف بنفسك لمعاينة هذا الرابط]

الاوراق الواجب توافرها عند التقديم
1. شهادة التخرج
2. شهادة الخدمه العسكريه للذكور
3. شهادة ICDL skill card
4. شهادة Local TOEFL
5. الاقرار
يجب ان يوقع المتقدم علي اقرار و تعهد بالالتزام بالقواعد المنظمة للبرنامج و الاستمرار في الحضور بشكل منتظم و عدم تجاوز نسبة الغياب المسموح بها . (يشترط أن يكون الإقرار موقعاً من ضامن وموثق من جهة عمل الضامن
بالنسبة لمن لا يجد ضامن يمكن تقديم خطاب ضمان بنكى تحميل صيغة خطاب الضمان المطلوبة
* يتم طباعة الإقرار علي ورقة واحدة وجه وظهر
وذلك لخريجى السنوات من 2004 حتى 2011 من الجامعات و المعاهد المصرية، وعلى أن يكون المتقدم لهذه المنحة حاصلاً على شهادة ICDL وشهادة Local TOEFL بمستوى 400 على الأقل

الأسئلة الشائعة الخاصة بمنحة برنامج التدريب المتخصص الـ 9 شهور

ما هي منحة برنامج التدريب المتخصص الـ 9 شهور وماذا يستفيد المتقدم بإلتحاقه بها؟

منحة برنامج التدريب المتخصص هي دورة تدريب مجانية لمدة 9 شهور مقدمة من وزارة الاتصالات وتكنولوجيا المعلومات لشباب الخريجين من حملة المؤهلات العليا من الجامعات والمعاهد العليا المصرية.
يتم فيها تدريب المتدرب على أحدث وسائل تكنولوجيا المعلومات في تخصصات مختلفة حسب المسار الذي يُسجل به. ويشمل التدريب (اللغة الانجليزية، المهارات الشخصية والادارية، مهارات ادارة المشروعات، وأخيراً الجزء الخاص بتكنولوجيا المعلومات والذي تصل مدته الى 6 أشهر). ويحصل المتدرب أيضاً على الدورات الدولية المعتمدة من شركات تكنولوجيا المعلومات مثل ميكروسوفت وسيسكو .. الخ. بالاضافة الى حصولة على الامتحانات الدولية الخاصة بهذة الدورات والتي تؤهلة للحصول على الشهادة الدولية المعتمدة التي تضمن له العمل بمجال التخصص.

كذلك يحصل المتدرب على مكافأة شهرية من وزارة الاتصالات نظير التفرغ للتدريب الخاص بالمنحة

جميع الشروط تنطبق علي ولكني غير حاصل على شهادة التويفيل المحلي. هل أستطيع التقدم؟

حسب الشروط التي نصت عليها وزارة الاتصالات. لا يمكن التقدم لمنحة برنامج التدريب المتخصص بدون الحصول على شهادة تويفيل محلي بدرجة لا تقل عن 400.

جميع الشروط منطبقة علي ولكني غير حاصل على شهادة الـ آي سي دي إل. هل أستطيع التقدم؟

حسب الشروط التي نصت عليها وزارة الاتصالات. لا يمكن التقدم لمنحة برنامج التدريب المتخصص بدون الحصول على شهادة الـ آي سي دي إل.

انتهيت من الامتحانات الخاصة بالـ آي سي دي إل ولكني لم أتسلم الشهادة حتى الآن. ماذا أفعل؟

حسب الشروط التي نصت عليها وزارة الاتصالات على موقع التسجيل. يمكن للمتقدم التسجيل في المنحة بصورة بطاقة الامتحانات Skill Card لحين استلام الشهادة الاصلية.

أين يمكنني الحصول على امتحان التويفيل المحلي؟

The Test of English as a Foreign Language (TOEFL) measures the ability of non-native speakers of English to use and understand North American English as it is spoken, written and heard in college and university settings.

If you need to take TOEFL Exam for a Scholarship or Post Graduate studies INSIDE EGYPT

There are many centers or places which do it
Like AMEDEAST - AUC - Cairo University (Faculty of Arts (آداب - قاهرة)) - Ain Shams Uni (Faculty of Arts (آداب عين شمس))

But
AUC is the best for local TOEFL
It costs around 135 L.E for exam

This link will help you in AUC LOCAL TOEFL
ARCO local TOEFL [ندعوك للتسجيل في المنتدى أو التعريف بنفسك لمعاينة هذا الرابط]

كيف يمكنني الحصول على امتحانات الـ آي سي دي إل؟
يمكنكم معرفة شروط ومراكز وأماكن التدريب التي تقدم دورات وامتحانات ICDL من خلال الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]

أنا غير حاصل على شهادة التويفيل. هل يمكنني التسجيل بالمنحه والحصول عليه خلال التدريب أو خلال شهرين من الآن؟

حسب الشروط التي نصت عليها وزارة الاتصالات، يجب على المتقدم أن يكون حاصل على شهادة التويفيل المحلي قبل التسجيل للمنحة وليس خلال التدريب.

لم أستطع اختيار مسار الشبكات على موقع التسجيل. لماذا؟

حسب موقع التسجيل. مسار الشبكات مخصص لخريجي كلية الهندسة قسم اتصالات فقط. وهو غير متاح لخريجي الكليات الاخرى بما فيها هندسة الحاسبات والمعلومات.

أنا خريج عام 2011 ولم يُحدد موقفي من الخدمة العسكرية حتى الآن. هل يمكنني التقدم؟

حسب الشروط المذكورة بـ إقرار منحة برنامج التدريب المتخصص، يجب على المتقدم أن يكون مُحدد الموقف من الخدمة العسكرية. مع مراعاة أن تكون شهادة الخدمة العسكرية الخاصه به سارية الصلاحية لمدة سنة من تاريخ بداية التدريب.

هل هناك شرط خاص بالتقدير الجامعي للتقدم بالمنحة؟
حسب الشروط التي نصت عليها وزارة الاتصالات. لم يتم وضع أي قيد أو شرط خاص بالتقدير الجامعي.

ما هي قيمة المكافاة الشهرية الخاصه بكل متدرب؟

لم تعلن وزارة الاتصالات وتكنولوجيا المعلومات عن قيمة المكافأة الشهرية ولكنها كانت تتراوح ما بين 500 الى 700 جنيه في السنة الاخيره .. وكانت تحتسب على ضوء نسبة غياب المتدرب بالاضافة الى امتحان تحديد مستوى يتم عمله كل شهر.

ما هي مواعيد حضور التدريب بمنحة برنامج التدريب المتخصص؟
ا
لتدريب يكون بصورة يومية من الساعه التاسعة صباحاً الى الساعه الرابعة عصراً . ما عدا الجمعه والسبت من كل أسبوع

هل يشترط التفرغ التام للتدريب؟

حسب الشروط التي ينص عليها الاقرار الخاص بمنحة برنامج التدريب المتخصص. يجب على المتدرب التفرغ التام أثناء الحصول على التدريب وعدم تخطي نسبة الغياب المسموح بها

أين يمكنني الاطلاع على نموذج الاقرار؟

يمكنكم الاطلاع على نموذج الاقرار او التعهد الخاص بمنحة برنامج التدريب المتخصص من الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]

هل سيتم تنفيذ المنحه في السنوات القادمه؟

حسب موقع التسجيل. فسوف يتم تنفيذ هذه المنحه على مدار ثلاث سنوات بهدف تدريب 6000 متدرب. السنه الاولى هي 2010 وسيتم تنفيذها حتى عام 2012

ما هو الميعاد المتوقع لبدء التقديم فى المنحة؟

لا يوجد ميعاد محدد لها ولكن فى الغالب ان التقديم يتم خلال شهرى أغسطس وسبتمبر وتكون الدراسة فى منتصف سبتمبر

هل سيتم تنفيذ المنحه في الاحوال الحالية لمصر ؟

حسب موقع التسجيل. فسوف يتم تنفيذ هذه المنحه على مدار ثلاث سنوات وسيتم تنفيذها من 2010 حتى 2012
وطبقا لآخر المعلومات من مصادر موثوق فيها ان المنحة ستستمر كما هى .......

قبل ما أخلص الكلام
دة رأى احد الطلاب الحاليين بالمنحة :
والرد عليه من قبل المهندسة تسنيم ( احد الطلبة الحاليين بالمنحة )

رأى الطالب :

يا جماعة منحة ال ام سي اى تي منحة من أسوأ ما يمكن ودا لأن المحاضرين غير كفء على الإطلاق والرواتب بتاعتها مش بتنزل شهرياً ولكن احنا كطلاب في المنحة اول مرتب قبضناه كان بعد مرور اكتر من ثلاث شهور من الدراسة ودا غير ان الراتب بيتخصم منه الغياب والتأخير والراتب الأساسي 700 جنيه قبل الخصم وناس كتيرة قدمت في المنحة وسابت الشغل بتاعها مخصوص لأن التفرغ شرط من شروط المنحة والناس دي ندمت طبعاً لا طالت تعليم ولا قبصت راتب عدل وعلى فكرة المفروض ان المنحة دي اللي بيدخلها لازم يكون عنده خبرة بمجال البرمجة تلات سنين ولكن للأسف احنا مش عرفنا الكلام دا غير بعد ما دخلنا المنحة وطبعا في شرط جزائي 15000 جنيه عشان محدش يطلع من المنحة بمعنى انها تدبيسة يعني وعلى فكرة المنحة لسه مش هنخلصها قبل شهر تسعة بس على فكرة عشان تبقوا عارفين اللي فاكر انه هيطلع من المنحة دي فاهم حاجه في البرمجة وانهم هيبدأوا معاه في الدراسة من الصفر للإحتراف زى ما قالولنا كده في الأول يبقى فاهم غلط لأن اللي بيحصل اننا بناخد الأسئلة وإجاباتها وبنحفظها واحنا مش فاهمين اى حاجه وبعدين نخش الامتحان نسمع الاجابات اللي حفظناها زى نظام الكليات والثانوية بالزبط مع الفرق ان اللي بينزل في اى امتحان بيدفع تمنه عشان يعيده حوالي 600 او 700 جنيه يعني راتب شهر من الشهور بدون خصم الغياب والتأخير، وطبعاً الواحد كان فاكر انه هيتعلم صح في المنحة دي صح اخيراً لكن للأسف الظاهر ان التعليم المصري كله تعليم فاشل ونصيحتي كطالب بالمنحة لأى حد بيفكر ياخد المنحة دي سيبك يابني من المنحة دي ومتضيعش وقتك وشوفلك اى سفرية ولا حاجه بره او لو عاوز تجرب حظك في مجال تاني جرب وانت وحظك ولا اقول غير حسبى الله ونعم الوكيل وربنا ع الظالم والمفتري ولكي الله يا مصر

ودة رد المهندسة تسنيم عليه :

لا انا طبعاً مش مع حضرتك فى الكلام ده خالص
مع احترامى الكامل ليك و لرأيك يا فندم
انا برده بدرس فى المنحه دى السنه دى .. و اه موضوع المرتب ده متأخر شويه
بس المفروض انت رايح هناك و هدفك الرئيسى انك تتعلم مش لغرض مادى
لأنك بتتعلم فيها عشان تلاقى فرصه شغل كويسه بعدين يبقى هو ده مصدر ربحك

بالنسبه لمستوى المحاضرين دى بتبقى مشكله عشان تفاوت المستويات عند الطلبه
يعنى بيبقى فى ناس داخلين و هما فاهمن كويس و فى ناس لسه الدنيا معاها بيضه معندهمش خلفيه عن أى حاجه .. المشكله دى فى الأخر بتترمى على المحاضر و انا شايفه ان ده مش عدل الصراحه
الجدول اللى بيبقى محطوط عشان نمشى عليه بيخلى المحاضر يبتدى من تحت الصفر مش من الصفر كمان
بالنسبه انك تبقى شرط خبرة 3 سنين فى المجال ده مش صح , لأن فى ناس كتير مكنش عندهم خلفيه ف اى حاجه و دلوقتى بقو أحسن من واحد عنده خبرة 3 سنين دول
و ده هيجى بالالتزام و الصبر و المحاوله و الرغبه النابعه من جواك فى التعليم
مفيش حاجه سهله ف بدايتها .. لازم تتعلم و تغلط و تحاول كتير عشان توصل للحاجه دى
بس طبعاً دى بتبقى نادرة لان طبيعه الانسان انه بيبقى عايز كل حاجه تتقدمله على طبق من دهب

بالنسبه للناس اللى سابو شغلهم .. ده كان شرط فى الاول و كان بايديهم يا يرفضوا و يسيبوهم من المنحه يا اما يقبلو و يكملو فى الطريق للاخر لأن ببساطه هما اصحاب قراقرهم ده ايان كانت تغير الظروف
اما بقى بالنسبه لموضوع الامتحانات و الحفظ و الكلام ده .. يا ريت نبقى واضحين عشان الناس تبقى فاهمه ايه هو الموضوع ده

الموضوع ببساطه انها امتحانات سيرتيفيكت بناخدها من مايكروسوفت .. الامتحانات دى بتبقى ببلاش عشان المنحه .. بره المنحه عشان تاخد شهاده واحده بس بتكلفك حوالى 80 دولار
احنا فى المنحه بناخد 5 شاهادات من السيرتيفيكت دى
طبيعه امتحاناتها بتبقى زى الاى سى دى ال ... انك بتحفظ الاسئله و تدخل تلاقيها
انا معاك انها بتبقى حفظ مش فهم .. بس انت اصلاً عشان تاخد امتحان واحد من دول لازم تبقى خبرة على الاقل 3 سنين شغل فى الدوت نيت و السى شارب
و احنا يادوب لسه متخرجين هنجيب ال 3 سنين خبره دى منين !!

ف دى ليها ميزه و عيب .. عيبها انك عشان ضيق الوقت بتضطر انك تحفظ عشان تنجح

بس ميزتها انها بتوفر عليك تمن الامتحان لأن اما تدفع 80 دولار ف شهاده واحده ده يبقى انتحار .. وشوف بقى لو هتاخد كذا شهاده .. اضرب العدد ف 80 دولار على طول
انت ممكن تمتحنها فى الاول و بعدين ابقى ذاكر بعدين
و ميزتها الاكتر انك اصلاً هتلاقى ان معظم الشركات طالبه من شروط قبول وظيفه فيها انك تبقى واخد السيرتيفيكت دى
و برده فى الاخر انت لك القرار لو مش عايز تمتحنها متمتحنهاش .. مش هيقولولك لأ

و اخيراً .. معلش انا بعتذر على الاطاله
بس احب اوضح ان انها فى الاول و فى الاخر هى منحه دراسيه ببلاش .. و بيتكلف على الطالب الواحد فى السنه حوالى 40000 دولار
و برده فيها الكويس و فيها الوحش .. و مش هتلاقى فرصه زى دى كتير خد الكويس و سيبك من الوحش

والله الموفق

For More Information you can contact only by email with
Eng. Tasneem
eng.tasneemhabib_fci@yahoo.com

[ندعوك للتسجيل في المنتدى أو التعريف بنفسك لمعاينة هذا الرابط]

عن أبي هريرة قال قال رسول الله : صلى الله عليه وسلم { من سئل عن علم فكتمه ألجمه الله بلجام من نار يوم القيامة } ورواه ابن ماجه والترمذي وحسنه , وصححه الألباني

عَن أَبي الدَّردَاءِ رَضِي اللَّه عنْهُ أَنَّهُ سمِعَ رسُول اللَّه صَلّى اللهُ عَلَيْهِ وسَلَّم يقُولُ :
(دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم

معا لنهضة مصر

مع تمنياتى بالنجاح والتوفيق
محمود حبيب
0129053092
[ندعوك للتسجيل في المنتدى أو التعريف بنفسك لمعاينة هذا الرابط]