حصريا على منتدى قلب حلوان وبس iTi 9-month Diploma منحة الاى تى اى للخريجين 2011---2012

iTi 9-month Diploma
منحة الاى تى اى للخريجين

طبعا الكل مستنى المفاجأة اللى اتكلمنا عليها قبل كدة


iTi 9-month Diploma منحة الاى تى اى للخريجين

بيان عاجل

تم فتح باب التقديم فى منحة الاى تى اى لسنة 2011 الدفعة 32
وفى اقسام جديدة يا شباب وفى اقسام قديمة اتلغت زى الاوركل مثلا

[ندعوك للتسجيل في المنتدى أو التعريف بنفسك لمعاينة هذا الرابط]

.
.
.
.
ها لسة مصرين
التقديم مستمر من 22 يوليو حتى 31 أغسطس

وخلال الفترة دى بيتم التقديم على الانترنت وبعدها الاوراق والاختبارات والانترفيوهات


من اول 8 تروحوا اقرب فرع ليكم تقدموا فيه صور الاوراق المطلوية وتاخدوا ميعاد الاختبارات وان شاء الله الكل ينجح وتخشوا الانترفيوهات

الجديد بقى ان فى تخصصات جديدة من نصيبكم السنة دى بس المفاجأة ان محدش يعرفها غير لما المنحة تنزل رسميا

وانا لو عرفت اى شئ هعلنه فورا ومش هتأخر عليكوا

الجديد بقى كمان ان مفيش اى مانع على الشباب الملتتحى او البنات المنتقبات
وان معيار الكفاءة والتفوق هو اللى هيحدد


التراكات القديمة زى ما هى مفيش اى تغيير غير طبعا تحديثها بآخر الاصدارات

بالنسبة بقى للمحاضرة التأهيلية

يوجد 3 اقتراحات :

الاقتراح الاول : اننا نعمل محاضرة فى تلك الاماكن ودة عشان العدد فى الاماكن دى كتير

القاهرة ( اقتراح ان يكون الازهر بارك - او حديقة الفنون بالمنيل ) ودة لان الاعداد بسم الله ماشاء الله كتير

الاسكندرية : عايز بقى اقتراحات وتنسيق من شباب اسكندرية الجدعان وحد يتطوع عشان نشوف مكان مناسب للمحاضرة
مش واحد بس لا الكل يتطوع ويدور ويبلغنى بسرعة عشان نلحق

المنصورة وشباب المنصورة محتاج متطوعين عشان نشوف مكان مناسب للمحاضرة

باقى المحافظات ينضموا لاقرب محاضرات ليهم

ودة ملخص لاعداد الشباب فى المحافظات

محاضرة القاهرة
القاهرة 165
الجيزة 45
الفيوم 6
القليوبية 6
المنوفية 11

محاضرة الاسكدرية
الاسكندرية 42
البحيرة 3

محاضرة المنصورة
المنصورة 11
زقازيق 12
طنطا 9
المحلة 2
كفر الشيخ 2



دمياط 3
الاسماعيلية 2
الغربية 1
الاقصر 1
1 المنيا

المواعيد نتناقش فيهم لغاية يوم السبت وان شاء الله يوم الاحد هنقول الاماكن والمواعيد النهائية

الاقتراح التانى هو اننا نحدد ميعاد نكون فيه كلنا على النت ونعمل المحاضرة على برنامج تيم سبيك عشان نقدر نتواصل كلنا واى حد عنده استفسار يشارك معانا

الاقتراح الثالث : هو تسجيل محاضرة صوتية او صوت وصورة ورفعها على الانترنت والايفنت


iTi 9-month Diploma
منحة الاى تى اى للخريجين

شاركنا وادينا رأيك

التصويت على الاقتراحات ينتهى غدا الجمعة 15 يوليو الساعة 10 مساءا

[ندعوك للتسجيل في المنتدى أو التعريف بنفسك لمعاينة هذا الرابط]


رجاءا قراءة الرسالة كلها وفهمها جيدا قبل الاستفسار

اولا هى ايه :
هى عبارة عن منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات iTi

ايه هو الهدف منها:
اعداد خريجين فى مجال تكنولوجيا المعلومات قادرين على المنافسة عالميا
يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيهاش تخصص ادارة
يعنى اللى شايف نفسه بيحب الكمبيوتر لدرجه يبقى هو كمبيوتر وحياته كمبيوتر وشغله كمبيوتر يقدم عليها

ايه هو شروطها:
1 خريج احد الجامعات او المعاهد المصرية المعترف بيها كشهادة عليا وان يكون خريج اخر ثلاث سنوات 2009 – 2010 - 2011 وبالنسبة للشباب لو دخلت جيش وفاتتك فرصة التقديم بيراعو الموقف بس تكون السنة اللى بعد اداء الخدمة فقط

2 التقدير التراكمى لشهادة الكلية جيد على الاقل

3 تم تحديد موقف التجنيد بالنسبة للذكور
بالنسبة لمواليد (1: 6 ) نص اول ممكن يقدموا فى المنحة لان الارجاء يتم قبل بدء الدراسة وبكدة هتعرف تأجيل ولا هتخش قبل المنحة
أما بالنسبة لمواليد (7 الى 12 ) نص تانى ممكن يقدموا فى حالة وجود سبب يمنعهم عن الجيش اما غير كدة يستعدوا للتقديم السنة اللى جاية مش المرة دى

4 مصرى الجنسية

طب هى المنحة دى هتضيفلى ايه ( ايه اهميتها بالنسبة لى ):
المنحة دى كلها مميزات
1 افضل منحة فى مصر
2 بيتصرف عليك مبالغ كتييير اوى بلاش نقولها دلوقتى
3 بتاخد مرتب اثناء فترة الدراسة بالكامل
لو تقديرك التراكمى جيد هتاخد 800
لو جيد جدا 1000
لو امتياز 1400
يعنى بتتعلم وكمان بتاخد مرتب

4 هتستلم لاب توب وهيبقى بتاعك بعد لما تخلص ، هيتخصم تمنه من مرتبك يعنى هيتخصم مثلا 400 ج شهريا على مدار فترة الدراسة 9 شهور وانا بقولك اللاب توب دة مواصفاته عالية ولو حبيت تجيب زيه هتلاقيه اغلى من تمن التكلفة اللى بيتخصم منك وانت هتخده تقسيط على 9 شهور واللى عنده لاب مش لازم ياخد اللى هيستلمه بس بشرط ان المواصفات متقاربة وقادرة على الاداء اثناء الدراسة وفى الحالة دى هتاخد مرتبك كامل

نيجى للميزة الخامسة
مكانة علمية مرتفعة يعنى هتتعلم منها كتييير اوى ومش هتلاقيه فى اى مكان برة
وكمان فى اقسام مفيش خريجين منها الا ITI فقط ومفيش اى مكان فى مصر بيطلع الناس دى

نيجى للميزة السادسة واهم ميزة فيهم كلهم

الاى تى اى مش مجرد منحة او كورس لا دى دبلومة يعنى دراسات عليا
يعنى لو حبيت تكمل ماجستير الاى تى اى بتأهلك انك تكمل ماجستير فى جامعة نوتينجهام انجلترا أو بادربون المانيا بالنسبة لقسم ميكاترونيكس


بالنسبة لمكان الدراسة ففى 4 مقرات للمنحة
بس مش كل التخصصات متوفرة فى الفروع كلها
يعنى فى تخصصات فى فرع ومش موجودة فى التانى وكدا

[ندعوك للتسجيل في المنتدى أو التعريف بنفسك لمعاينة هذا الرابط]

المركز الرئيسى : القرية الذكية - طريق مصر اسكندرية الصحراوى ويتم توفير مواصلات من والى المعهد مجانا للطلبة متجه الى معظم الاماكن فى القاهرة
مركز فرعى فى القاهرة : شيراتون المطار

فرع الاسكندرية
فرع المنصورة
فرع اسيوط


طيب بالنسبة لشهادة التوفل هقدمها امتى:
دى متشغلش بالك بيها دلوقتى ركز فى نجاح واجتياز الاختبارات والمقابلات الشخصية وان شاء الله بعد القبول تقدر تقدمها خلال فترة الدراسة

The Test of English as a Foreign Language (TOEFL) measures the ability of non-native speakers of English to use and understand North American English as it is spoken, written and heard in college and university settings.

If you need to take TOEFL Exam for a Scholarship or Post Graduate studies INSIDE EGYPT

There are many centers or places which do it

Like AMEDEAST - AUC - Cairo University (Faculty of Arts (آداب - قاهرة)) - Ain Shams Uni (Faculty of Arts (آداب عين شمس))

But
AUC is the best for local TOEFL
It costs around 135 L.E for exam

This link will help you in AUC LOCAL TOEFL
ARCO local TOEFL [ندعوك للتسجيل في المنتدى أو التعريف بنفسك لمعاينة هذا الرابط]

طيب هندرس ايه فى الدبلومة دى

اللينك دة هتلاقى فيه تفاصيل الدراسة وشروط كل قسم
[ندعوك للتسجيل في المنتدى أو التعريف بنفسك لمعاينة هذا الرابط]

ولو عايز تفاصيل اكتر عن اقسام الدراسة
ITI tracks:
__________________________​______________

Software Engineering :
•System Development
Professional Track
Business Reporting
Game Development & Mobile Applications
•Java
Desktop Application
JAVA Mobile Application Development.
•UNIX
•ERP
ERP Oracle implementation
Oracle Database Administration
ERP SAP FI/CO
ERP SAP MM/SD
Data Warehousing and Business Intelligence
•Quality assurance
•Information Storage and Management
•Open Source Technologies
•Application Security
•Technologies for E-Business

GIS
Computer Networks
Multimedia
Mechatronics
Cyber Security
Embedded Systems
E-Learning Technologies
Bio Informatics

this is the last version of ITI tracks

but NEW ITI 2011 will be there another version

For more details about each track please follow this link:
[ندعوك للتسجيل في المنتدى أو التعريف بنفسك لمعاينة هذا الرابط]

طب ازاى اقدم
التقديم على الموقع دة كل سنة بدأ من يوم 22/7 حتى يوم 31/8

[ندعوك للتسجيل في المنتدى أو التعريف بنفسك لمعاينة هذا الرابط]

بعد كدة هتروح تقدم ورقك فى فرع المعهد بشارع الهرم – الجيزة – أمام محطة المطبعة مباشرة
هتلاقى مبنى ابيض على شمالك وانت جى من ميدان الجيزة مكتوب عليه معهد تكنولوجيا المعلومات

هتطلع وتقدم ورقك وساعتها هتاخد بميعاد الاختبارات وبيبقى بعد تقديم الورق بحوالى 3 او 4 ايام فى حالة التقديم فى بداية التقديم مش فى الاخر لانك فى الاخر بتتضغط وبيبقى الامتحان ممكن بعد التقديم بيوم

طيب ايه هى اختبارات القبول وازاى نجهز نفسنا ليها
فى اختبارين IQ – English

طيب نجهز نفسينا ازاى عشان ننجح ونعدى من الاختبارات :
دة من خلال كذا طريق

اولا جروب التحضير للاى تى اى (ان شاء الله سيتم تحديد الميعاد والمكان لاحقا

ثانيا حضور محاضرات معا الخاصة بشرح الأى كيو
الدفعة 14 لفريق معا هتبدأ يوم السبت 9 يوليو
[ندعوك للتسجيل في المنتدى أو التعريف بنفسك لمعاينة هذا الرابط]

ثالثا نذاكر الماتريال الخاصة بالاى كيو والانجليش ومهارات الانترفيو اللى مرفوعة على اللينك دة

[ندعوك للتسجيل في المنتدى أو التعريف بنفسك لمعاينة هذا الرابط]

ودى أهم الطرق دلوقتى لغاية ما معا وجروب التدريب يبتدوا

اللينكات دى اكيد هتفيدك
[ندعوك للتسجيل في المنتدى أو التعريف بنفسك لمعاينة هذا الرابط]


بعد الاختبارات بتجيلك النتيجة على الاكونت اللى عملته فى بدايه التقديم على موقع الاى تى اى

ان شاء الله تنجح فى الاختبارات وتخش المرحلة اللى بعدها

المقابلات الشخصية هتبقى ازاى واجهزلها ازاى
فى الاساس انت هتعمل اتنين انترفيو:

1 مقابلة شخصية بالانجليزى ودى هدفها معرفة شخصيتك وتفكيرك ومستوى الانجليزى بتاعك

2 والمقابلة دى بتكون بالعربى ممكن تكون واحدة او اتنين او 3 مقابلات وبيسألك فيها عن معرفتك فى التخصص اللى هتقدم عليه (يعنى هدفها يعرف مستواك فى التخصص اللى هتقدم فيه ومدى معرفتك ودرايتك بيه)

بص انت ليك الحق انك تقدم فى 3 رغبات وتعمل انترفيو فى التلاتة واللى هتثبت نفسك فيها هتخشها وممكن تعمل فى رغبتين بس وممكن واحدة
يعنى انا مثلا كنت كاتب رغبة واحدة لانى مكنتش عايز اخش اى تخصص تانى غيره وهنا عملت انترفيو واحدة والحمد لله ركزت فيها ونجحت ودخلتها
فنصيحتى ليك انك تختار التخصص اللى بتميل ليه وبتحبه وتركز فيه ومتشتتش نفسك

بعد كدة النتيجة بتظهر على موقع الاى تى اى
[ندعوك للتسجيل في المنتدى أو التعريف بنفسك لمعاينة هذا الرابط]
على منتصف شهر 9

وبعدها الدراسة بتبدأ على حوالى آخر 9 او بداية اكتوبر


رجاءا قراءة الرسالة كلها وفهمها جيدا قبل الاستفسار


عن أبي هريرة قال قال رسول الله : صلى الله عليه وسلم { من سئل عن علم فكتمه ألجمه الله بلجام من نار يوم القيامة } ورواه ابن ماجه والترمذي وحسنه , وصححه الألباني

عَن أَبي الدَّردَاءِ رَضِي اللَّه عنْهُ أَنَّهُ سمِعَ رسُول اللَّه صَلّى اللهُ عَلَيْهِ وسَلَّم يقُولُ :
(دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ: آمِينَ ، ولَكَ بمِثْلٍ) رواه مسلم

الدعوة بظهر غيب مش معلنة

معا لنهضة مصر