جانى جنى

وقعــــــت سنينـي .. كلهـــــــا
وأحلامي وقعـــت .. تحتهـــــــا
واتكســـرت كل .. الرمـــــــوز!!
وماعادش فاضل غير .. كابوس

ومرايـــــه ف الإيد .. اليميـــــن

تصرخ ف وشي إنتي .. ميـن؟!
بشمالي أمســــح .. دمعتيــن
( وأرجع لحلمي بالفانوس ؟!!)

يطلــــــع لي جني أبن جن؟!!

ويقوللي ( يورو .. ولاّ ين )؟؟؟
أقول له أوعي ف يوم .. تظـن
إن إحتياجـــي للفلـــــــوس!!!

أنا إحتياجـــــــــي للقلــــوب!!

والفقر مش فقر الجيـــــوب؟!!
( الفقر كامن ف النفـــوس؟! )

( نفذ يا جني أوام وطيـــــــع )
رجعني لسنين للربيــــــــــــع
يصرررخ

يقوووول
( عبدك وبين إيدك مطيــــــع )

وألقاه بسرعه بصلـي … وقال لعيني إتفنجلـي
وللرموش اتسّبلـــي … وللخدود إتشعللـــــــي
وقللي يالله إتفضلي … إنتي النهارده بتحصلي

علي رحله من غير تذكـره

كل السنين رجعـت ورا ؟!!!
( ورجعتي بنت صغيــره!!!)

ترضيها همســـه .. وتدوب بلمســه
( والدنيا حلوه كلها ف عينيها لسّه )

من غير فلوس ولا حتي (بُك)… ولارجل تعرج أو تــٌـزك
من غير تجاعيـــــد السنين … من غير علاج للأنسولين
من غير ألم وصداع وهم …. وعلاج لقلـــب وضغــط دم

من غير عيون محتاجه شوف
من غير تعاســــه وأي خـوف

أصرخ وأقول:ـ تعـرف .. ياجني

أنا خايفه أحبك غصب عنـي!!!

ماانا أصلي كنت زمان بحب ؟!
بس الزمان خيب لي .. ظنـي

كل الحبايب خدهـــــا .. منــي
وعشان كده حلمي .. أتسجن
جوّه التمني؟!


تعرف ياجني
أنا ليه كام مليون سنه
بااتمني يوم أرجع أنــا

لحاجات كتيره بحبهــا
وحاجات كتير بتحبني

وحاجات كتير ضيعتها
بتمني تاني تضمنـي

وف حضن أمي تلمني

وف قلب أبويا تحسني
وبإيد خواتي تشدنــي

يــــــــــــــــــــمّ الأمان

لسرير نحاس ولحاف ستان

وللبوريـه والشمعـــــــــدان

والمكحلــه .. والكستبــــان

والمدرسه وابن الجيـــــران

لفرحة أمي يوم نجاحــــي

ف الإمتحــــــــــــــــــــــــان

لكوز نحاس مليان خشـاف

نجري عليه ساعـــة الآدان

للمندره وأوضة الضـيـوف

وعيون بتعرف الكســـوف

للمشربيــــــه .. وقلتيـــن
والمحلبه ف أوضة الخزين

لطباق (عاشورا) مرصصه

والبـٌن جـوّه المحمصـــــــه

وجيران بنسأل عنهـم

وإن غبنــا ييجـــــــــوا
لحدنا
لبرج كان مليان حمام
علي سطحنا
أخر النهار نشاورلـــه
يرجع عشنا

وعشه فيها فراخ كتيــــر

كان عليهم ديـــــك غفيـر
ينقرني منقاره الخطيــــر
لحظة ماألم البيض وأطير

وقطه كانت مشمشــــي

لا بتتكسف ولا تختشـــي

بتنام ليلاتي ف فرشتي
وعامله روحهـا صاحبتي

وتدّفي رجلي ف الشتــــا

ولو تيجي لها العفرتـــــــه
( وعندي أمنيه أخيره )

قبل رحلتنا الطووووووووووويله

اللي ليها رجوعـــي صعــب !!!


كنت حاانسي إني .. أقولـــــك
إن صدري ما فهش (قلــب )!!!

(قبل مايرتـــــــــــــــد طرفي)
قوم بسرعه وهاتلي قلـب؟؟؟

( أنت ليه عمال تصـّرخ؟!!!)
( أنت ليه نازل صويت ؟!!! )

هوّه لاجل البخـــــت .. الاغبــر

جاني جنى كماااان .. عبيط !!!

قوم ياجني .. من سكـــــات
دا انت .. جني المعجــــزات

قوم .. يا جني

قوم .. يا جنى
أوعي .. أنــت
كماااااااااااااان
!!!تخوووووني

راح أوام الجني
شاااااااااااااهق
وألتقيتــه
ف حلمي

!!! مات