مشويات العيد

طريقة الكباب والكفته على الطريقه المصريه



نجيب اللحم المراد شويه ويفضل الضانى الصغير
لعمل الكباب
وكذا اللحم المفروم ونااااااعم وبه نسبة دهن لا تقل عن 25%
وهنا اللحم المفروم كان عندى احمر صافى بلا دهون ولهذا فرمت له قطعة دهن حتى تضبط معى
وانت من البدايه تحضريها من اللحام مفرومه بنسبة دهن واعلميه انها كفتة سيخ على الفحم حتى يضبطها
او اعملى زى وافرمى بالبيت وظبطى انت 000


وانا اعلم ان الكثير لا يتقن عمل الكفته بالبيت حيث انها تفك على السيخ عند الشوى
ولكن اتبعى خطواتى وتعليماتى وهتضبط بعون الله تعالى
ولا انكر انى جربتها اكثر من مرة حتى تظبط معى
وها هو اللحم مقطع صغير وايضا به نسبة دهن وكذا اللحم المفروم والدهن للكفته والخلطه البسيطه جدا للشوى وهى البصل المفروم ناعم ولحاله مع فلفل اسود وبهار لحم مشكل



نعصر البصل على اللحم اى نأخذ عصيرة فقط



[url=http://simsimtoty2.googlepages.com/kabab2.jpg][/url]
ونضع التفل اى القشور فقط على الكفته بدون مائها


وها هو تفل البصل (اى قشورة المعصورة قدر المستطاع ) على اللحم المفروم والدهن والدهن هو الابيض فى الصورة وبجوار اللحم لان الللحم كان احمر صافى ففرمت له كما قلت دهنه بنسبة 20 % وكييلو الكفته يكفيه قشور بصله كبيرة او متوسطه لك المرونه مدام مائها معصور جيدا وناااعمه



[url=http://simsimtoty2.googlepages.com/kabab3.jpg][/url]


وها هنا اللحم مع عصارة البصل والكفته مع التفل فقط وتبلتهم بالملح والفلفل الاسود والبهار المشكل


[url=http://simsimtoty2.googlepages.com/kabab4.jpg][/url]





ثم نقوم بعمل اسياخ اللحم وهى ان نمسك السيخ ونوغزةبقطعة اللحم حتى تدخل فى السيخ
وهكذا حتى يملاء السيخ بقطع اللحم والقطعه التى ليس بها دهن توضع بجانب التى بها دهن
[url=http://simsimtoty2.googlepages.com/kabab9.jpg][/url]



وها هى اسياخ الكباب جاهزة للشوى
[url=http://simsimtoty2.googlepages.com/kabab17.jpg][/url]



وتشوى على الفحم مع التقليب المستمر حتى لا تحترق


[url=http://simsimtoty2.googlepages.com/kabab18.jpg][/url]




وها هو شكلها النهائى وبالف هنا حبيباتى




ثم نمسك لحم الكفته وقشور البصل والتوابل والدهن ان وجد وننتقم منهم هههههه


ندعك فيهم جيدا جدا ونضربهم نعم هه على الرخام ونرزع فيهم (تخيلى اى حد لا ترضى عنه والعياذ بالله )
المهم ياخد علقه سخنه منك حتى ينعم ويندمج معا وتعاملى معه كانه عجين لتى واعجنى
مع الطرق على الرخام


وممكن نستعينى بكيس حتى لا تخربى الدنيا وتخبطى فيه هكذا
[url=http://simsimtoty2.googlepages.com/kabab14.jpg][/url]



حتى نصل لهذا الشكل من التجانس والنعومه اةةةةةة هدت حيلى هه





ثم ناخذ قطعه من لحم الكفته الذى اصبح جاهز ونكورها ونضعها على طرف السيخ هكذا
[url=http://simsimtoty2.googlepages.com/kabab6.jpg][/url]





ثم نضغط باطراف الاصابع على كتلة اللحم حتى تنزل واحدة واحدة على السيخ وتكون متساويه مع الحرص وعمل علامه للاصابع حتى تسهل النضج ونصل لهذا الشكل



[url=http://simsimtoty2.googlepages.com/kabab7.jpg][/url]


حتى يكون هكذا 000 ومتماسك ومفرود حتى ينضج جيدا وهذا ما فعلته بعلامة اصابعى وكما تروا لحمه مثل العجين ناعم ومتماسك


[url=http://simsimtoty2.googlepages.com/kabab8.jpg][/url]
وها هى اخر سيخين من الكفته يشوى على الفحم لانها تطلع دخان كتير وما عرفت اصور بالبدايه وكان اخر الشوى وبجانبه شاى الخمسينه ورغيف حواوشى حاااااار
[url=http://simsimtoty2.googlepages.com/kabab11.jpg][/url]
شىء هاااااااااااااااام بشوى الكفته انتبهى وخدى نصيحة سمسم حلقة بأذنك فى شوى الكفته
[/center]

عندما تضعى سيخ الكفته وكما شرحنا الطريقه مضبوط وطبقناها
ضعى السيخ على الفحم او الشوايه الكهربائيه اى تحبى 000

لمدة دقيقتين ليس اكثر حتى تتشمع وتمسك الطبقه وبسرعه اقلبى على الجانب الاخر حتى لا تقع وتفك منك ومن ثقلها وبهذا الناحية الاخرى تتشمع وتمسك ولا تشد الباقى للسقوط وكلها تمسك ببعض ولا تفك
ثم ارجعى تانى وعيدى الشوى للجهتين حتى النضج
لان عجينة الكفته هذة او لحمتها بها نسبة دهن فاول ما تيجى الحرارة على اول جنب بتسيحه فلو زدنا من الحرارة دون قلبها على الجنب الاخر لا تتحمل الثقل وهتقه لكن لما بنلفها بسرعه بعد دقيقه كدة هتتشمع الجانب الاخر هو كمان ولا تسقط بعون الله وهذا من خبرتى بالامر وكما يفعا اصحاب المهنه

ملحوظه هاااااااامه اخرى

وهى حبيبتى كلما كان السيخ عريض كلما كان افضل وكانت النتيجه افضل لشوى الكفته بذات حتى لا تبرم وتنضج من الداخل جيدا

تابعى

فتة العيد

وعلشان العيد يبقى عيد يبقى لازم نعرف طريقة عمل الفتة، أنا عارفة إن كل الناس بتعرف تعمل الفتة بس حبيت أقولها علشان أكون فعلا قدمت أشهى أكلات عيد الأضحى لأن العيد مش بيكون عيد إلا بطبق الفتة.

المقادير:

• كيلو لحم ضأن مقطع بالعظم وياريت يكون "لحم الكتف"
• نص كيلو رز.
• ماء ساخن.
• بصلة كبيرة ومقطعة قطع صغيرة.
• 2 فص حبهان.
• ملعقة قرنفل.
• 6 فصوص ثوم مهروس.
• رغيف خبز محمص.
• نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوباية كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.

الطريقة

اسلقي اللحمة الضاني وضيفي إليها عند السلق بصلة وورقة لاورا وفص حبهان وملعقة القرنفل والملح وسيبيها لغاية ما تستوي

أثناء ما اللحمة بتستوي هاتِ الارز واغسليه وبعد كده هاتي الصنية اللي هتعملي فيها الأرز وحطي فيها ملعقة ونصف سمنة وبعد كده ضيفي إليها الرز وقلبيه على النار لمدة خمس دقائق بعد كده هاتي ميه وضيفي إليها شوية ملح وبعد كده ضيفيها للرز وسيبيه على نار هادية لغاية ما يستوي....

بعد كده هاتِ بصلة وقطعيها قطع صغيرة وحمريها في السمنة لغاية ما تلاقي لونها بدأ يميل إلى اللون الأصفر ضيفي إليها التوم مع التقليب لما تلاقيهم لونهم بدأ يكون ذهبي ضيفي إليهم كوب عصير الطماطم والصلصة وسيبيهم على نار هادئة لمدة 10 دقائق بعد كده ضيفي إليهم قليلا من "الشوربة" وسيبيهم على النار لمدة ربع ساعة.

بعد كده هاتِ صينية وقطعي فيها الخبز وضيفي إليه شوربة اللحمة وسيبيهم لمدة عشر دقائق علشان العيش يتشرب من الشوربة.

بعد كده هاتِ طبق كبير وحطي فيه الأرز والخبز وحطي فوقيهم دمعة الصلصة اللي أنت عملتيها ومن فوقها اللحمة..